Соединетите Американски Држави се повеќе зависни од увозот од Европската Унија отколку од Кина, и во однос на вкупната вредност и во однос на бројот на производи, според студија објавена денес од германскиот економски институт IW.
Минатата година, Соединетите Американски Држави увезоа стока во вредност од 287 милијарди долари од Европската Унија, што е речиси два и пол пати повеќе отколку во 2010 година. Станува збор главно за хемикалии, електрични уреди, машини и опрема.
Во 2024 година, стока во вредност од 247 милијарди долари пристигна во Соединетите Американски Држави од Кина, објавува Ројтерс.
Аналитичарите забележуваат дека производите со трајно висок удел во увозот во САД тешко дека би можеле брзо да се заменат, што е фактор што Европската Унија треба да го земе предвид во случај на ескалација на трговските тензии.
„Овие податоци можат да им дадат до знаење на Американците дека, доколку продолжат да ги зголемуваат царините, практично влијаат врз сопствената економија“, вели Самина Султан, коавторка на студијата.
Како последно средство, вели IW, Унијата би можела да воведе ограничувања на извозот на стоки кои се критични за американската економија. Студијата сугерира дека претседателката на Европската комисија, Урсула фон дер Лајен, можела да заземе посилна преговарачка позиција во преговорите за царините со Вашингтон.
Фото: Pixabay