Администрацијата на американскиот претседател Доналд Трамп воведе нов пакет царини на увозен мебел и дрвени производи, со цел, како што вели, да се заштити домашната индустрија и работните места.
Од 1 октомври 2025 година, во сила стапуваат следните мерки: 50% царина на кујнски кабинети и бањски шкафови, 30% на тапациран мебел и околу 10% на дрвена граѓа и градежни материјали.
Според економските експерти, овие мерки ќе ја зголемат цената на мебелот на американскиот пазар, бидејќи увозниците најверојатно ќе ги префрлат повисоките трошоци врз потрошувачите. Најпогодени ќе бидат земјите извозници како Кина, Виетнам и Мексико, но и американските компании кои зависат од увозни суровини.
Иако Белата куќа очекува поттик за домашното производство, дел од аналитичарите предупредуваат дека ефектите може да бидат спротивни и да доведат до нови трговски тензии на глобално ниво.
