Инфлацијата е и деловна реалност и секојдневна реалност. Европа лани се бореше со рекордна стапка од околу 9%, а најавите за оваа 2023 година не се особено охрабрувачки.
Бидејќи светската економија, како и малите и големите компании, оваа година ќе ја поминат во борба против инфлацијата, секој совет или препорака како да се бориме со ваквите деловни тешкотии е драгоцена. Уште повредно е ако советува некој со искуство од повеќе од 60 години, кој успеал да одолее на предизвиците и да преживее неповреден во деловниот свет, пренесува Bonitet.
Инфлација и докажана филозофија
На крајот на минатата година, кога инфлацијата сè уште растеше oтпуштањата станаа уште една нова реалност. И Ворен Бафет (92) се појави пред неговите акционери во Беркшир Хатавеј како извршен директор.
Како што изјавија сведоците, идејата на Бафет била да ги „смири страстите“. Неговата намера беше да ѝ каже на публиката како можат да се заштитат од инфлацијата и нејзините ефекти. Тој рече дека ова е веќе добро позната и докажана филозофија:
„Најдоброто нешто што можете да го направите е да бидете исклучително добри во нешто. Во замена за вашата услуга или производ од други, ќе ги добивате нивните производи“.
Што всушност рекол Бафет?
Акцентот секогаш мора да биде на подобрување. „Бидејќи вештините се отпорни на инфлација“, како што рече Бафет на публиката, вашата експертиза и талент ќе бидат барани дури и за време на предизвикувачки период на општи скокови во цените на стоките и услугите.
Фото: Pixabay
