Јужнокорејскиот Samsung воведе шестдневна работна недела за директорите оваа недела.
Групацијата на овој начин сака да ја зајакне решителноста на раководниот кадар во услови на растечки геополитички неизвесности и макроекономски ризици за што поскоро надминување на кризата, објавија јужнокорејските медиуми.
Според весникот Korea Economic Daily, одлуката за шестдневниот работен ден доаѓа по депрецијацијата на јужнокорејската вон валута, зголемувањето на цените на нафтата и високите трошоци за задолжување го попречија работењето на некои домашни компании во изминатата година.
Водачите на групацијата Samsung, која опфаќа широк опсег на производствени сектори – од производство на челик, екстракција на електронски суровини до бродоградба, електрична индустрија и финансиски услуги – ќе работат шестиот ден од неделата во сабота или недела.
Воведена е и продолжена работна недела за менаџерите во производство и продажба. Тие ќе мора да ги преиспитаат своите стратегии и да ги прилагодат на променетата геополитичка ситуација поради продолжувањето на војната меѓу Русија и Украина и растечкиот конфликт на Блискиот Исток, објави Samsung.
Дел од менаџментот на Самсунг групацијата, која се занимава со тешка индустрија, на почетокот на годината доброволно воведе шестдневна работна недела.
