На 65 километри од Тел Авив во Израел се наоѓа Elma Arts Complex луксузен хотел, проект на израелската колекционерка на уметности и филантроп Лили Елстајн.
По осум годишно планирање и конструкција, Санаториумот Mivtachim се претвори во иновативен бутик хотел. Главната зграда, која што е изградена во 1968 година изгледа како да лебди во воздух.
Комплексот се состои од 95 пространи соби од кои 22 се самостојни луксузни ложи. Располага со сала за концерти и уметнички галерии, а тука е и ресторанот каде се нуди израелска, грчка, италијанска, француска и шпанска кујна.
Во ресторанот има и посебен дел посветен на виното којшто располага со повеќе од 700 шишиња израелски и интернационални вина.
