Светското првенство во фудбал во 2034 година речиси сигурно ќе се одржи во Саудиска Арабија. Имено, Саудиска Арабија и Австралија се натпреваруваа за домаќин на тоа натпреварување, а потоа Австралијците решија да се повлечат од таа трка.
„Австралија нема да се кандидира за домаќин на Светското првенство во 2034 година, откако беа земени предвид „сите фактори“, објави Фудбалскиот сојуз на Австралија. ФИФА претходно ги повика Азија и Океанија да поднесат понуди за Светското првенство до 31 октомври.
Претседателот на Фудбалската асоцијација на Австралија, Џејмс Џонсон, претходно изрази интерес за понуда во 2034 година, но управното тело рече дека ќе се фокусира на понудите за женскиот азиски куп во 2026 година и Светското клупско првенство во 2029 година.
„Ја испитавме можноста да се пријавиме за домаќин на Светското првенство во фудбал и – земајќи ги предвид сите фактори – дојдовме до заклучок дека тоа нема да го сториме за 2034 година“, се вели во соопштението за печатот на Австралиската фудбалска асоцијација., пренесе СееБиз.
Саудиска Арабија најави дека ќе биде кандидат за домаќин на Светското првенство во 2034. Претседателот на Азиската фудбалска конфедерација, на која припаѓа и Австралија, ја поздрави кандидатурата на Саудиска Арабија и рече дека „целото азиско фудбалско семејство“ ќе ја поддржи. За потсетување, Светското првенство во 2026 година ќе се игра во САД, Канада и Мексико, а четири години подоцна домаќини ќе бидат Шпанија, Португалија и Мароко.