Надзорниот одбор на руската Сбербанк препорача исплата на рекордни дивиденди од 750 милијарди рубљи (8,03 милијарди долари), или 50 отсто од нето добивката на банката, изјави директорот на банката Герман Греф.
Плаќањата по акција ќе изнесуваат 33,3 рубљи. Годишното собрание на акционери ќе се одржи на 21 јуни.
Греф предвиде дека Сбербанк оваа година би можела да оствари уште поголема нето добивка од рекордната 2023 година. Минатата година банката оствари профит од повеќе од 1.500 милијарди рубљи.
„Според сите наши проценки, оваа година ќе можеме да оствариме поголема нето добивка од лани“, изјави Греф, пренесува Комерсант.
Тој додаде дека поради задржувањето на основната каматна стапка на ниво од 16 проценти, побарувачката за кредити е намалена. Затоа, според него, нето каматниот приход на Сбербанк во 2024 година „нема да покаже импресивни резултати“. Тогаш нивниот износ беше 565 милијарди рубљи. Во првиот квартал од 2024 година, нето добивката на Сбербанк се зголеми за 3,9 отсто, на 364 милијарди рубљи. Според резултатите од три месеци, нето приходите од камати се зголемени за 19,7 отсто на годишна основа, на 618,8 милијарди рубљи.
Фото: Facebook