Производството во Германија благо падна во третиот квартал, зголемувајќи го ризикот од рецесија во најголемата европска економија.
Бруто домашниот производ падна за 0,1% во периодот јули-септември во споредба со претходниот квартал, кога порасна за 0,1%, според германската Федерална канцеларија за статистика (Destatis).
Од една страна, намалената потрошувачка придонесе за падот, додека инвестициите на компаниите во машини и опрема дадоа позитивен придонес кон БДП.
– Германската економија повторно е на работ на техничка рецесија – изјави Клаус Вистесен, главен економист на еврозоната во Pantheon Macroeconomics. Инаку, техничка рецесија се дефинира како два последователни квартали на опаѓање на производството.
Економистите велат дека сликата најверојатно нема да се подобри наскоро, бидејќи огромниот производствен сектор во земјата се бори со слабата кинеска побарувачка, високите трошоци за енергија и болните зголемувања на каматните стапки.
Компаниите во секторот отпуштаат со најбрза стапка во последните три години бидејќи новите нарачки се намалуваат, а довербата останува „длабоко негативна“, според податоците од октомвриското истражување објавени минатата недела.
– Германската економија е цврсто заглавена во калта – рече Вистесен, истакнувајќи дека е сомнително дека економијата ќе закрепне во четвртиот квартал.
– Ризиците се навалени на надолна страна за почетокот на 2024 година – додаде тој.
Германската инфлација се намали на 3,0% во октомври.
