Фото: Pixabay
Продуктивноста може да се постигне ако се откажеме од одредени работи. Некои луѓе навреме ја научиле лекцијата, а останатите можат да ја дознаат во продолжение.
Не бараат совршеност
Барањето на совршеност е само губење на време. Ако сакате да бидете продуктивни треба да се ослободите од пефекционистот во себе. Дури и она што се чини најсовршено има низа слабости и грешки, како и сè во животот. Оние што веќе го прифатиле овој факт се многу поефикасни во она што го работат, отколку другите што го сакаат невозможното.
Не дозволуваат ништо да ги деконцентрира
Ако некоја активност не ве носи до одредена цел или едноставно нема смисла, не ја правете. Концентрирајте се на она сакате да го постигнете и што ќе ви користи и не дозволувајте ништо да ви го пренасочи фокусот.
Одбиваат негативноста да ги заведе
Негативни луѓе секогаш ќе постојат, но ако сакате да бидете продуктивни не смеете во ниеден случај да им дозволите на овие луѓе да ви ја црпат енергијата. Наместо тоа, продуктивните луѓе одбираат личности што ги инспирираат и од кои можат да учат.
Не дозволуваат други да одлучуваат наместо нив
Оние што веруваат во себе и одлично си ја вршат својата работа не бараат одобрување од другите луѓе. Се потпираат единствено врз своите убедувања и верувања кога треба да донесат одлуки.
Не допуштаат минатите неуспеси да им пречат
За да се движите напред, мора да ги заборавите минатите грешки и неуспеси. Тоа го прават продуктивните луѓе. Наместо жалење и напразно навраќање на слученото, треба да се извлече поука и да се искористи во пригодниот момент.
Не веруваат дека нешто е невозможно
За продуктивните луѓе невозможно значи дека сè уште не го пронашле соодветното решение. Затоа не се откажуваат така лесно сè додека не се исцрпат и направат сите можни сценарија.
Одбиваат да престанат со учење
Оние што најмногу создаваат и успеваат се тие што постојано учат. Знаат дека секој момент може да донесе нешто ново, да биде корисно искуство. Не станува збор само за учење на одредени факти и лекции, туку и еден тренинг на умот да биде отворен кон нови можности, идеи и мислења.
