Сејлор: Не продавам биткоини, ќе вредат милиони

87

И покрај насилната продажба на биткоин, извршниот директор на Microstrategy, Мајкл Сејлор, цврсто се држи. Тој рече дека неговата стратегија е да купува и ja чува криптовалута.

„Нема целна цена“, изјави Сејлор за Yahoo Finance Live.

„Очекувам засекогаш да купуваме биткоини. И очекувам дека биткоинот ќе достигне милиони. Значи ние сме многу трпеливи. Мислим дека тоа е иднината на парите“.

Сејлор рече дека биткоинот се распродавал со други ризични средства, како што се акциите, бидејќи Федералните резерви решиле да ги зголемат каматните стапки, а инвеститорите продавале поризични средства или средства чија вредност се зголемила. Тоа, рече Сејлор, е одвоено од падот на стабилниот коин TerraUSD и неговиот сестрински токен Луна, што според него ќе ги забрза напорите за регулирање на стабилните и безбедносните токени.

„Тоа ќе биде добро за индустријата“, рече тој.

„Откако луѓето ќе разберат зошто биткоинот е супериорен во однос на сè друго, тогаш институциите ќе дојдат со големи суми на пари, а ние нема да мораме да се мачиме со ова огромно објаснување зошто сме различни од 19.000 други крипто токени“, рече тој.