Ако сакате да се оддалечите од вашата работна маса или трпезариска маса и да отпатувате некаде далеку од дома за работа, тогаш Шпанија може да биде вашата следна идеална дестинација.
Поради зголемувањето на работата од далечина, земјата планира да воведе дигитална виза за номади што ќе ви овозможи да останете и да работите најмногу 12 месеци. На стартап компаниите, исто така, може да им се дадат даночни олеснувања за да ги поттикнат младите претприемачи да се преселат на нова локација.
Недостатокот на можности за вработување во рурална Шпанија остави многу мали градови и села уништени, но овие локации сега се подготвени да ги пречекаат „работниците од далечина“. Околу 30 градови и села низ Шпанија одлучија да се приклучат на оваа мрежа за да привлечат работници.
Сите овие места имаат помалку од 5.000 жители и сакаат да привлечат нови жители за повторно населување на нивните улици. Меѓу нив се Геналгуацил (Малага), Техеда (Гран Канарија), Сан Висенте де Ла Сонсиера (Ла Риоха), Рабаналес де Алисте (Замора).
Колку чини за 7 дена?
Геналгуацил е мало село во долината Генал, со помалку од 500 жители. Популарно е кај љубителите на уметноста и се наоѓа недалеку од морето. Главните предности се добриот квалитет на воздухот, односно мал степен на загадување. Домување, трошоци за храна и наоѓање место за работа таму ќе ве чини околу 130 евра за седум дена.
Техеда е на Канарските Острови, идеално место за секој што сака топло време во текот на целата година. Просечната годишна температура е 19 степени Целзиусови, а населението е точно 1.921. Неделните трошоци за сместување и храна во ова село чинат околу 240 евра.
Сан Висенте де Ла Сонсиера е село со само 1.000 жители, но тоа не значи дека е „отсечено“ од се. Има пошта, библиотека, продавници, здравствен дом. На неделно ниво, потребни ви се околу 205 евра за сместување и храна.
Друго место за разгледување е Рабаналес де Алисте, каде што сместувањето и храната чинат околу 270 евра неделно. Во исто време, во старото училиште во селото, на сите работници им е обезбедено место за работа што не се плаќа. Ова место е идеално за оние кои сакаат спорт, пешачење и возење велосипед пред се.
