За најдобро вино на овогодинешните Decanter World Wine Awards, коишто се дел од Vinexpo во Бордо, Франција, беше прогласено шардоне од Marks & Spencer.
Виното ја понесе престижната награда во категоријата вина под 23 долари, а беше одбрано од страна на 240 експерти.
Шардонето е специјално направено за компанијата Marks & Spencer од страна на францускиот производител Жорж Бришо од јужна Бургундија, а истото е направено од грозје кое 30 години расте во варовнички почви.
Компанијата го опиша овој пијалак како свежо и овошно вино со весела арома на јаболка, лимони и со сладок завршеток на праска.
Експертите пробаа 15.929 вина од вкупно 48 земји пред да ги изберат 35 победнички винарии.
Француските винарии беа севкупен победник со најмногу освоени интернационални трофеи, осум.
