Шефицата на ММФ: Половина земји од ЕУ ќе западнат во рецесија поради кризата во Украина

29

Оваа година ќе биде тешка за поголемиот дел од светската економија, половина од земјите на ЕУ ќе паднат во рецесија поради конфликтот во Украина. Ова го изјави директорката на Меѓународниот монетарен фонд (ММФ), Кристалина Георгиева во интервју за Си-Би-Ес. Од неа беше побарано да коментира за еден од последните извештаи на ММФ, кој предвидува „година на превирања“, а фондот верува дека „најлошото допрва доаѓа“.

„Ова е она што ќе го видиме во 2023 година. Ќе биде тешка година за голем дел од глобалната економија, потешка од онаа што ја оставаме зад нас. Зошто? Затоа што стапките на раст на трите најголеми економии – САД, ЕУ и Кина – истовремено забавуваат“, рече Георгиева во интервјуто снимено во декември минатата година. Земјите од Европската унија, продолжи таа, „многу сериозно настрадаа“ од војната на Руската Федерација во Украина. „Половина од Европската унија ќе биде во рецесија“, потенцира Георгиева во оваа насока.

Запрашана дали европските влади ќе пропаднат во таков случај, таа рече: „Владите функционираат совршено под неверојатно тешки услови“. „И она што е исто така извонредно е дека светот всушност се покажа како поотпорен отколку што мислевме пред една година“. Ја следиме реакцијата на енергетските шокови во Европа и решително се движи кон независност од Русија. Да, ќе биде тешка зима, можеби следната ќе биде уште потешка, но доаѓа слободата од зависноста од Русија. Тоа ќе се постигне“, рече Георгиева. Таа потврди дека Фондот проценува дека „третина од глобалната економија ќе биде во рецесија“ во 2023 година.