Истакнатиот економист Питер Шиф зборуваше за претстојната голема економска криза, која ќе биде поголема од онаа во 2008 година.
Американскиот берзански брокер Питер Шиф, еден од ретките економисти кои правилно ја предвиде финансиската криза во 2008 година, зборувајќи за финансиската помош на банкарскиот сектор и мартовскиот состанок на Федералните резерви, предупреди на нова економска криза што ќе се појави кога инфлацијата ќе „скокне на небото“, што неминовно ќе предизвика девалвација на доларот.
Тој додаде дека банкарскиот систем е како „кула од карти која почнува да се урива“.
“Благодарение на грешките кои ФЕД ги наравија од кризата во 2008 г. сега имаме многу поголем гигантски балон кој чека да пукне. ФЕД направи балон кој кој доведе до финансиска криза во 2008 година, а потоа надуваа поголем балон обидувајќи се да ги камуфлираат тие грешки за да не мора да се носиме со сите последици во решавање на сите тие грешки. И секако, сите ние сме во поголем проблем со повеќе грешки и сега американската економија е спремна на најголемата економка катастрофа во својата историја„ рече Питер Шиф.
Ова е само почетокот
По неуспехот на SVB и Signature Bank, Питер Шиф рече дека тоа е почеток на следната финансиска криза. Но, практично никој во мејнстримот тоа не го нарекува финансиска криза. Питер Шиф ја спореди ситуацијата во 2008 година со ситуацијата денес. Накратко, финансиската криза од 2008 година се однесуваше на долгови кои луѓето подоцна не беа во можност да ги платат.
„Токму тоа се случува сега. Тоа е банкарска криза, а банките се финансии. Мислам дека луѓето не сакаат да ја наречат финансиска криза бидејќи не сакаат да будат спомени од 2008 година и не сакаат да прават споредби. Тие не сакаат да го признаат тоа. Ги отфрлаат сите рани знаци на голема финансиска криза. Но, ние сме на работ на една. И таа ќе биде многу поголема од претходната“, рече Питер Шиф.
Тој рече дека настанот со кој банките не можат да се справат е голем економски пад во комбинација со зголемената инфлација.
„Значи, ако имаме висока инфлација и рецесија во исто време, банките ќе пропаднат. Питер објасни дека бидејќи инфлацијата ги обезвреднува парите на сите, тие ќе сакаат да ги извлечат од банките“, рече Питер Шиф, додавајќи:
„Се разбира, кога луѓето сакаат да ги извлечат парите од банките, парите ги нема. Така, единствениот начин на кој луѓето можат да ги добијат своите пари е ако ФЕД ги отпечати. Но, ако ФЕД ги отпечати, тоа само уништува дури и поголема вредност. Така што го забрзува моментумот за спирална инфлација“, додаде тој.
За само две недели, Федералните резерви додадоа речиси 400 милијарди долари во билансот на состојба. Тоа се пари создадени од воздух.
„Тоа е инфлација. И така, кога го правите тоа, ја уништувате вредноста на вашите пари што веќе се во оптек. Така, Американците ќе плаќаат, не затоа што се даночни обврзници, туку затоа што се сопственици на американски долари и заработувачи од американски долари. Ќе плаќаат сите да бидат скратени поради помошта од банките. Овие спасувачки пакети ги загрозуваат банкарските депозити на сите, дури и банките кои се солвентни. И не е важно дали вашата банка пропадне. Вие сепак губите. Ако вашата банка пропадне , губиш пари. Но, сега, бидејќи владата нема да дозволи ако пропаднат банките, секој со банкарска сметка ќе ја изгуби куповната моќ“, заклучи Питер Шиф.