Шпанската влада го одобри планот за инвестирање 12,25 милијарди евра (13,12 милијарди долари) во индустријата за полупроводници и микрочипови до 2027 година, изјави министерката за економија Надија Калвино.
Програмата, која во голема мера се потпира на средствата на Европската унија за закрепнување од пандемијата, е фокусирана на дигиталната економија и поттикната од порастот на побарувачката предизвикан од недостигот на чипови. Премиерот Педро Санчез, објавувајќи ја оваа програма минатиот месец, рече дека првично е утврдена сума од 11 милијарди евра.
