Што е глобален долг и зошто е тој важен? „Тековниот износ претставува опасност“

51

Глобалниот долг значи долг на земјите, компаниите и секој поединец. Беше висок пред пандемијата на коронавирус, а дополнително се зголеми за време на пандемијата.

Владините трошоци за заштита на работните места и јавното здравје придонесоа за растот на глобалниот долг. Светскиот економски форум (WEF) смета дека висината на долгот претставува опасност.

Минатата година достигна 303 трилиони долари, од 226 трилиони долари една година порано. Ова е највисок раст од Втората светска војна.

Нападот на Русија врз Украина поттикнува континуиран раст на глобалниот долг. Ако земјите не можат да ги платат своите долгови, тогаш тоа резултира со паника на финансискиот пазар и забавување на економскиот развој. Можна е и рецесија.

Недостигот на пари за јавни услуги, како што се здравствената заштита и образованието, најмногу ги погодува сиромашните.

Меѓународниот монетарен фонд (ММФ) и Светската банка веруваат дека 60 отсто од сиромашните земји се блиску до тоа да не можат да финансираат јавни услуги. За да се реши проблемот, ММФ повика на реструктуирање на државните долгови.