Претседателката на Европската комисија (ЕК), Урсула фон дер Лајен, наскоро ќе се сретне со американскиот претседател Доналд Трамп во Вашингтон, но тоа нема да се случи пред ЕУ и Соединетите Американски Држави да можат да преговараат за „конкретен трговски пакет“.
„Мислам дека имав добар разговор со Трамп по телефон и на погребот на папата. Но, за мене е важно ако одам во Белата куќа, да сакам да имам пакет за кој можеме да разговараме. Значи, тој мора да биде конкретен и сакам да имам решение за кое двајцата можеме да се согласиме“, рече фон дер Лајен на прес-конференција во Брисел, пишува Политико.
Претседателката на Европската комисија се согласи со Трамп кога се сретнаа во Ватикан минатиот месец дека таа наскоро ќе ги посети САД, иако датумот на посетата сè уште не е одреден.
Царинските давачки од 10 проценти за целиот увоз од ЕУ во САД сè уште се на сила, како и царинските давачки од 25 проценти за увоз на автомобили и метали.
