Швајцарската агенција за надзор на финансискиот пазар FINMA денеска ја продолжи забраната за швајцарската филијала на руската Сбербанк да врши плаќања и трансакции до август, а ги продолжи и другите мерки наменети за заштита на доверителите.
„Мерките ќе останат во сила до 2 август 2022 година, поради построгите меѓународни санкции и континуираните ризици во однос на состојбата со ликвидноста на банката“, објави FINMA, пренесe Ројтерс.
FINMA воведе мерки во швајцарската филијала на Сбербанк на 4 март по рускиот напад врз Украина, што доведе до воведување на бројни западни санкции против Москва.
