Швајцарската национална банка (СНБ) ја задржа референтната каматна стапка на 1,75 отсто во четвртокот, откако ги зголеми стапките во изминатите 18 месеци од негативните 0,75 отсто пред паузата во септември.
Банката ја задржа и каматната стапка на депозитите на 1,75 отсто, пренесува Ројтерс. Агенцијата наведува дека тоа целосно ги потврдило очекувањата на анкетираните економисти.
„Инфлацискиот притисок е благо намален во изминатиот квартал. Сепак, неизвесноста останува висока. „СНБ затоа ќе продолжи внимателно да го следи развојот на инфлацијата и, доколку е потребно, ќе ја приспособи својата монетарна политика“, се наведува во соопштението на банката.
Подоцна во четврток, Банката на Англија и Европската централна банка (ЕЦБ), исто така, се очекува да одлучат да ги задржат каматните стапки на чекање по податоците за ублажување на инфлацијата во Велика Британија и во еврозоната.