Шведската влада ги воведе досега најстрогите мерки за сузбивање на ширење на коронавирусот во вториот бран од пандемијата. Тоа вклучува препораки за носење маски во средствата за јавниот превоз и затворање на економските активности што не се неопходни.
Шведските власти досега тврдоглаво се противеа на воведување карантин и во текот на пандемијата им беа постојано отворени училиштата, компаниите и рестораните. Но, вториот бран им донесе рекорден број на новозаразени, поради што беа неопходни овие мерки.
Економски активности што не се неопходни и што ќе бидат затворени се теретани, базени и книжарници.
Шведска регистрира висока стапка на смртност со околу 8.000 смртни случаи, што е неколку пати поголема бројка одошто во соседните земји.
Фото: Freepik