Фото: Pixabay
Сингапур планира да воведе автономни автобуси од 2022 година. Сингапурските власти соопштија дека пилот проектот ќе се спроведе во три нови населби и со тоа да го намали користењето на автомобилите, а ќе ја зголеми мобилноста на граѓаните, пишува BBC.
“Автономните возила значително ќе ја подобрат достапноста и поврзаноста со нашиот систем за јавен превоз, особено за постарите лица, семејствата со мали деца и помалку мобилните“, вели министерот за транспорт, Кав Бон Ван.
Сингапур има помал сообраќаен метеж во споредба со многу други градови во Југоисточна Азија, поради скапите патарини и политиките што го промовираат јавниот транспорт.
Земјата, исто така, се надева дека ќе стане лидер во технологиите без возачи.
