Германскиот производител на автоделови Continental во средата објави загуба во првиот квартал, што укажува на пад на европското производство на возила на почетокот на годината.
Во периодот од јануари до март, Континентал работеше со нето загуба од 53 милиони евра. Истиот период лани забележа нето добивка од 382 милиони евра.
Консолидираните приходи паднаа за пет отсто, на 9,8 милијарди евра.
Прилагодената оперативна добивка е повеќе од преполовена, на 196 милиони евра.
Светското производство на патнички и лесни комерцијални возила благо се намали на почетокот на годината, особено во Европа каде опадна за три отсто, истакнуваат од Континентал. Само Кина забележа поизразен раст, за четири отсто, додаваат тие.
Менаџментот очекува подобрување во втората половина од годината.
„И покрај слабиот почеток на годината, веруваме дека има можности за раст во сите сектори на компанијата и затоа ги потврдивме нашите проценки за фискалната 2024 година“, изјави главниот финансиски директор Катја Гарсија Вила.
Светското производство на возила годинава треба да остане на нивото од 2023 година, со можно отстапување од минус еден до плус еден процент, прогнозира германската компанија.
Континентал сепак прогнозира дека годината ќе ја заврши со консолидиран приход во опсег од 41 до 44 милијарди евра. Во 2023 година таа изнесуваше 41,4 милијарди евра.
