Цената на златото би можела да се искачи до 4.000 долари за унца во текот на следната година, бидејќи растот на каматните стапки и стравувањата од рецесија ги одржуваат пазарите нестабилни, изјави Јерг Кинер, извршен директор и главен инвестициски директор на Swiss Asia Capital.
Цената на благородниот метал би можела да достигне помеѓу 2.500 и 4.000 долари некаде следната година, изјави Кинер за CNBC, пренесува Seebiz.
Има добри шанси пазарот на злато да забележи голем потег, рече тој, додавајќи дека „тоа нема да биде само 10% или 20%“, туку потег што „навистина ќе достигне нови врвови“.
Кинер објасни дека многу економии би можеле да се соочат со „мала рецесија“ во првиот квартал, што ќе предизвика многу централни банки да го забават темпото на зголемување на каматните стапки и да го направат златото веднаш попривлечно. Тој рече дека златото е исто така единственото средство што го поседува која било централна банка.
Златото е многу добра заштита од инфлација
Според Светскиот совет за злато, централните банки купиле 400 тони злато во третиот квартал, што е речиси двојно зголемување на претходниот рекорд од 241 тон во истиот период од 2018 година.
Кинер, исто така, рече дека златото е многу добра заштита од инфлација, одличен улов за време на стагфлација и одличен додаток на портфолиото.
На прашањето дали понудата на злато е слаба поради силната побарувачка, Кинер рече „понуда секогаш има, но можеби не по цена што ја сакате“.