Словенија го зазеде десеттото место на овогодинешното рангирање за глобална одржлива конкурентност, составено од швајцарско-корејскиот тинк-тенк Solability. Минатата година таа беше деветта.
Глобалниот просечен рејтинг на одржлива конкурентност, кој е 43,3 поени од можни 100, покажува дека има уште многу простор за подобрување, објави Solability. Словенија го зазеде десеттото место на рангирањето со 55,7 бодови. Во областа на природен капитал е на 88 место, по интензитет на користење ресурси на 63 место, во социјален капитал на трето и во интелектуален капитал на 25 место. Го зазеде 12-то место во управувањето, а истото и во економската одржливост.
На рангирањето има 184 земји, а осма година по ред на првото место е Шведска, а потоа следат Финска, Исланд, Швајцарија, Норвешка, Данска, Естонија, Австрија и Латвија. Меѓу првите 20 земји има само една неевропска земја, а тоа е Јапонија на 12-то место. За прв пат во историјата, Кина, која се најде на 30. место, ги престигна САД кои се на 32. место.
