Индустриското производство во Хрватска треба во периодот од 2014 до 2020 година да расте по годишна просечна стапка од 2,85%, во индустријата треба да се вработат преку 85.000 нови работници и да се оствари раст на извозот за 30%, се предвидува со предлог индустриската стратегија.
Со стратегијата се опфатени преработувачката индустрија, градежништвото и секторот за информации и комуникации.
Како клучни проблеми во хрватската индустрија се издвојуваат институционалното опкружување, неефикасниот јавен сектор, правната несигурност, корупцијата, високото и сложено даночно оптоварување, административните процедури и неразбирливи прописи. Останати проблеми, како што стои во документот, се ниско ниво на странски инвестиции, низок удел на високообразована работна сила, недоволно инвестирање во истражување и развој.
Четири приоритетни подрачја на дејствување што ги дефинира индустриската стратегија се создавање стабилно инвестициско опкружување, поттикнување на стратешка соработка меѓу индустријата и образовниот систем, реструктуирање на јавната управа и администрација и развој на пазарот на капитал. За сите овие приоритетни подрачја дефинирани се и низа конкретни мерки за реализација.
Предлогот на индустриската стратегија на Република Хрватска од 2014 до 2020 година вчера е објавен на интернет страната на Министерството за економија, со што започнува јавната расправа за овој документ, која ќе трае до 7 март.
