Со 65 гласа „за“ Собранието го донесе Законот за задолжување од 500 милиони евра кај Унгарската експорт-импорт банка.
Против Законот кој го предложи Владата гласаа 15 пратеници, а „воздржани“ немаше.
На гласањето му претходеше едночасовна дискусија.
Инаку, заемот беше договорен кон средината на јули од страна на премиерот Христијан Мицкоски и унгарскиот премиер Виктор Орбан за време на нивната средба на маргините на Самитот на НАТО во Вашингтон.
