Јапонската компанија Sony го најави својот нов водечки паметен телефон Xperia (Xperia 1 VII) со моќен процесор и батерија и додаде дека уредот ќе биде пуштен во продажба од 4 јуни по цена од 1.499 евра.
Паметниот телефон е опремен со процесор Snapdragon 8 Elite, 6,5-инчен OLED екран со брзина на освежување од 120 херци (Hz) и поддршка за HDR, додека батеријата од 5000 mAh овозможува работа до два дена и поддржува брзо и безжично полнење.
Телефонот е достапен во варијанти со 12 гигабајти оперативна меморија (RAM) и 256 GB меморија за складирање, како и во комбинација од 12 GB RAM и 512 GB меморија за складирање, објавува GSM Arena.