Соосновачот на Twitter, Еван Вилијамс, ја напушта управата на оваа социјална мрежа, пишува The drum.
Според официјални информации, Вилијамс ја напушта управата на Twitter на крајот на овој месец, а неговата функција на тоа место завршува во 2021 година.
“Поминаа извонредни 13 години и јас сум горд на тоа што го оствари Twitter за време додека сум во компанијата. Среќен сум поради тоа, беше интересно, поучно и предизвикувачки. Ќе продолжам да навивам за овој тим, но ќе се фокусирам на други мои проекти“, изјави тој.
Вилијамс, заедно со Џек Дорси и Биз Стоун, во 2007 година ја основаа социјалната мрежа Twitter.