Фото: Pexels
Читањето не подразбира само седење во удобна фотелја и пиење кафе или чај. Читањето не е досадно ниту бескорисно, туку нуди нови авантури со секоја нова прочитана страница и дава можност за лично усовршување на многу начини. Најдете време за читање на книга или долг информативен текст од каде ќе научите нешто.
Книгата може да служи како возило што ќе ве одведе на долга авантура и непозната дестинација. Таа може да биде пријател, инспирација, учител. Книгата може да послужи како лекција, многу корисна и практична нудејќи конкретни информации и идеи. Бенефитите од читањето се многубројни, учите нови зборови, стекнувате знаење, го намалува стресот, ја подобрува концентрацијата…
Ако сакате да читате повеќе, а не наоѓате доволно време, овие неколку совети ќе ви помогнат да прочитате повеќе книги.
Дефинирање на вашата цел за читање
Пред да почнете со читање, запрашајте се зошто ја читате книгата. Дали за задоволство или знаење? Кога ќе утврдите која е целта на вашето читање не само што ќе ви помогне да ги елиминирате книгите кои не треба да ги прочитате, таа исто така ќе ве потсети зошто читањето на книгата е важно за вас. Тоа ќе ве мотивира да продолжите со читање и да ја завршите книгата побрзо.
Читајте тоа што ве привлекува
Важно е да уживате во она што го читате. Вашите пријатели може ќе ви препорачаат некои книги, но можно е да не уживате во нив. Најдете книги што ќе го поттикнат вашиот интерес и љубопитност.
Можете да прескокнете страници
Кога читате за лично задоволство и знаење може да поставите сопствени правила. Не чувствувајте вина ако прескокнувате страници. Тоа не е мамење и може да бидете попродуктивни бидејќи ги прескокнувате здодевните или ирелевантни делови.
Поставете краен рок за читање на книгата
Пред да ја прочитате секоја книга запрашајте се кога треба да ја завршите. Книгите што се изнајмуваат од библиотека мора да ги вратите во одреден рок и тогаш побрзо можете да ја прочитате книгата, бидејќи купените книги немаат рок на враќање.
Користете го слободното време
Користете го слободното време за читање на книга во којашто уживате. Ако сакате да го максимизирате вашето време за читање, носете ја книгата секаде со вас. Ќе има моменти во текот на денот кога ќе бидете слободни или ќе чекате во ред.
