Познатиот производител на чоколадо „Ритер Спорт“ е принуден да покрие дел од амбалажата на веќе произведените чоколадни плочки поради нова директива на Европската Унија.
Имено, компанијата добила наредба од ЕУ да го покрие натписот „100% сертифицирано одржливо потекло од какао“, тврдење што го користи во своите реклами со години.
Причината за покривање на етикетите е таканаречената директива на ЕУ за EmpCo (Овластување на потрошувачите за зелената транзиција). Според извештаите, оваа директива ќе стапи на сила на крајот на септември, а нејзината цел е да се спречи „зелено перење“.
Нејасни изрази како „еколошки“ или „одржливо“ во иднина ќе бидат дозволени само ако се детално поткрепени со информации на пакувањето.
Портпаролот на компанијата не можеше да каже колку пакувања ќе треба да се преетикетираат.
„Повторното лансирање на пакувањето со новата фолија е во полн ек, но не може да се имплементира во рок од неколку месеци“, рече тој.
