Банка Поштанска штедионица, во која Србија поседува 79% од капиталот, е заинтересирана за купување на Комерцијална банка Бања Лука, а писмо со намери е веќе испратено до Љубљана – НЛБ група, која е сопственик на матичната Комерцијална банка од Белград, пишува порталот Capital.ba.
Покрај Комерцијална банка во Бања Лука, Поштанска штедионица е заинтересирана и за купување на Комерцијална банка во Црна Гора и Приштина, а министерот за финансии на Србија, наведува Caрital, веќе даде согласност да се изврши споменатата набавка.
“НЛБ е подготвена да ги продаде сите делови на Комерцијална банка, освен оној во Србија. Писмото со намери е испратено до Словенија “, изјави изворот на Capital информиран за оваа зделка.
Иако, откако НЛБ ја купи Комерцијална банка, беше споменато нивно спојување, НЛБ заклучи дека е ризично за нив и дека тие ја сакаат Комерцијална банка само во Србија.
Од друга страна, властите во Србија сметаат дека е во нивен стратешки интерес да се задржи влијанието во Република Српска, Црна Гора и Косово преку банкарскиот сектор.
Банка Поштанска штедионица е во сопственост на Србија, која има 79,01% од акциите, ЈП Пошта на Србија (19,95%), Републичкиот пензиски фонд (1,01%) и Фондот за развој на Република Србија (0,03%).
Фото:kombank-bl.com
