Српскиот министер за економија Жељко Сертиќ изјави во четвртокот дека во февруари ќе биде распишан јавен тендер за стратешки партнер за фармацевтската компанија Галеника. Сертиќ додаде дека веќе има неколку заинтересирани фирми, јавува Танјуг.
Министерот очекува стратешкиот партнер да внесе свеж капитал и знаење, да го зголеми производството и од профитот да почне да ги враќа долговите.
Галеника има долг од над 200 милиони евра.
Оваа фармацевтска компанија е основана во 1945 година, а основна дејност и е производство на лекови, фармацевтски суровини, парафармација и дентални производи.
