Директорката на Центарот за азиски студии Драгана Митровиќ изјави дека според минатогодишниот ребаланс на буџетот долгот на Србија кон Кина во моментов е над три милијарди долари.
Во исто време, некои договорени работи сè уште не се вклучени во тој долг, па проектите како изградба на канализација низ Србија, белградското метро и други големи проекти сè уште не се дел од пресметката.
Таа за ТВ инсајдер изјави дека долгот на Србија кон Кина, кога ќе се вклучат и други заеми кои сè уште не се платени, веројатно е околу 10 милијарди долари.
Таа истакна дека износот на кинеските инвестиции е релативно скромен во однос на износот на кредитите што Србија ги земала од таа земја.
„Ова беа првите директни инвестиции, но се останато се заеми и кредити за финансирање инфраструктурни проекти од областа на транспортот и енергетиката, кои доминантно ги реализираат кинески компании надвор од тендерот“, додаде Митровиќ.
На прашањето кој има корист од ваквата соработка, Митровиќ одговори дека кинеските кредити првично биле поволни и единствени достапни за Србија, но тоа во меѓувреме се променило.
Митровиќ истакна дека најголем дел од поплаките се од граѓани поради „деградирање и безмилосен третман на кинеските компании кон еколошките проблеми“. Таа истакна дека е „многу тешко да се објасни и одбрани“ фактот дека во најплодниот дел на Србија постои, како што рекоа кинеските инвеститори, најголемата фабрика за производство на гуми.