Србија размислува да го зголеми лимитот на осигурени депозити во банките

29

Србија во моментов ги осигурува заштедите во банките во износ до 50.000 евра, но во некои од следните измени во законот се размислува за зголемување на износ до 100.000 евра, колку што е во земјите од ЕУ.

Ова го изјави претседателот на Управниот одбор на Агенцијата за осигурување на депозити и претседател на белградската банкарска академија Хасан Ханиќ, но нема потреба да се брза.

„Кај нас заштедите растат со години, но во последните неколку години се зголемуваат со максимална брзина. Во земјите од ЕУ се осигурани точно 100.000 евра заштеда, но кај нас засега нема потреба од зголемување на осигурената сума. Причината е што бројот на граѓани во банките кои имаат 50.000 евра не надминува 1 отсто“, вели Ханиќ за Блиц.

Заштедите во динари се зголемени речиси 6 пати во последните 9 години и во средината на тековната година достигнаа вкупно 99 милијарди динари. Во истиот период девизните заштеди се зголемени од 8 на 12 милијарди евра.

Од Народната банка на Србија велат дека просечниот износ на заштеди во динари во последните неколку години расте и дека од јули годинава изнесуваше нешто повеќе од 91.000 динари. Од друга страна, просечниот износ на девизни заштеди по депозит во моментов е нешто над 2.540 евра.