Стаклен тобоган на висина од 305 метри на највисоката зграда во Лос Анџелес

57

staklen tobogan

Стаклен тобоган на висина од 305 метри ќе биде поставен на надворешниот дел од зградата US Bank Tower, пишува Mashable.

Тобоганот го носи името Skyslide и е дел од проектот OUE Skyspace LA, зад којшто стои фирмата OUE од Сингапур и архитектонското студио Gensler.

staklen tobogan 1

Овој стаклен дел на највисоката зграда во градот ќе претставува и своевидна опсерваторија бидејќи ќе нуди поглед од 360 степени на Лос Анџелес. Новата туристичка атракција ќе биде долга 14 метри и широка 1,2 метри. Дебелината на стаклото на тобоганот ќе биде 1,2 сантиметри.

Оваа стаклена атракција се очекува да биде отворена на 25-ти јуни, а билетот се очекува да чини 25 долари.