Старбакс ќе отвори 100 нови кафулиња во Велика Британија во 2024 година

18

Старбакс следната година ќе отвори 100 нови кафулиња во Велика Британија, пренесува Sky News.
Компанијата планира да инвестира 30 милиони фунти во следните три години, отфрлајќи ги шпекулациите за плановите за продажба на бизнисот поради инфлација и конкуренција.

„Иако сме внимателни во врска со макроекономското опкружување, ќе продолжиме да инвестираме во развојот на регионот оваа година“, изјави за Sky News претседателот на Starbucks за Европа, Блискиот Исток и Африка, Данкан Моир.

Старбакс ја објави инвестицијата по извештаите за враќање на продажбата на нивоа пред пандемијата.

Компанијата објави дека планира да отвори околу 300 нови кафулиња во Европа, Блискиот Исток и Африка во текот на годината.