Startup Macedonia и Seavus Incubator ги повикуваат сите стартапи од цела Македонија да се приклучат на старт – ап дискусија во вторник, на 07.02.2017 во Сивус инкубаторот. Настанот Стартапи од цела Македонија, обединете се!, кој е дел од Европската старт -ап недела, ќе започне во 17 часот.
“Време е да им дадеме глас и на стартапите од другите градови, не само од Скопје. Има фантастична старт-ап сцена во Македонија и сакаме да ја запознаеме и здружиме”, велат организаторите.
Гости на настанот ќе бидат:
- Петар Котевски, основач на KAMAi MEDIA и член на Македонска асоцијација за развивање игри – МАГДА oд Битола;
- Благоја Стојчевски, ко-основач на 3Mode од Битола;
- Резервирај.мк, прилепчани и еден демирхисарец што работат во Скопје;
- Гого Рафајловски од SEEU TechPark од Tетовo.
Со презентации ќе се претстават:
- Microsoft Macedonia кои ќе ја претстават својата BizSpark програма за стартапи. Преку оваа програма стартапите можат да аплицираат за бесплатен софтвер.
- Студентската организација AIESEC Macedonia која ќе ја претстави својата програма за глобално претприемаштво. AISEC сака да отвори соработка со македонски стартапи за практикански позиции на младите претприемачи.
- ЦЕЕД Хаб Скопје ќе ја претстави својата нова акцелераторска програма за развој на стартапи во почетна или рана фаза.
