Стартапите собрале 319,6 милијарди долари во 2023 година, што значи дека овој вид инвестиции се вратиле на нивото пред избувнувањето на пандемијата, но не и дека продолжила „манијата“ на инвестиции од 2021 и 2022 година, истакна платформата Dealroom во својата годишна анализа.
Всушност, во 2023 година беше забележан најмалку собран ризичен капитал (VC) од 2017 година, така што аналитичарите на Dealroom ја нарекуваат годината што следува „година на ресетирање“.
„Годината зад нас беше епохален момент на напредок во областа на вештачката интелигенција (АИ). Вредноста на компаниите што развиваат генеративна вештачка интелигенција (GenAI) се зголеми за пет пати за само 12 месеци, а термините „ВИ“ и „халуцинира“ (кои се користат кога модел со вештачка интелигенција прави грешки) се избрани за зборови на годината на Колинс, односно Cambridge Dictionary“, истакнува Dealroom .
Во текот на 2023 година, создадени се вкупно 87 „еднорози“ – компании чија вредност се проценува на повеќе од една милијарда долари. Од една страна, тоа е најмалиот број на еднорози од 2014 година, но во секој случај изминатата година беше невообичаено лоша за глобалниот стартап екосистем.
