Државниот завод за статистика денеска прославува 75 години од своето постоење.
Со одлука на тогашната Влада на Народна Република Македонија, на први јуни 1945 година е формиран Македонскиот федерален статистички уред. Истовремено со формирањето на Македонскиот федерален статистички уред се организирани и статистички уреди во рамките на локалните органи на власта, со задача да учествуваат во прибирањето на основните статистички податоци и да помагаат во спроведувањето на статистичките истражувања за потребите на повисоките органи на власта.
“Еден од најважните приоритети на институцијата – грижата за професионалниот кадар – останува и во иднина. Без изградени професионални и посветени човечки ресурси, невозможни се технолошкиот напредок и користењето на сите информатичко-комуникациски новитети. Друг важен приоритет се меѓуинституционалната поврзаност и градењето стратегиски партнерства, особено во рамките на Националниот статистички систем, што ќе овозможи максимална искористеност на капацитетите, координираност во прибирањето податоци, поголема меѓународна споредливост и повеќе задоволни корисници“, велат од Државниот завод за статистика.
Фото: Stat.gov.mk
