Следниот пат кога нешто ве мрзи да направите пробајте ја оваа метода. Сигурно ви се случило да прелистувате стотина слики на Instagram наместо да работите нешто корисно. Има лек и за тоа. Интересно е што совет за мрзливост ни доаѓа токму од директорот на социјалната мрежа којашто често нè спречува да бидеме продуктивни и вредни.
Кевин Систром, коосновач на Instagram, вели дека најважниот час кој си го посветува само за себе е наутро. Тогаш вежба 60 минути. Тој не е единствен кој вежба наутро за да биде попродуктивен. Овие навики ги делат и директорот на Apple, Тим Кук, основачот на Twitter, Џек Дорси, основачот на Virgin Group, Ричард Бренсон…
Правило на пет минути
“Ако нешто не сакате да направите, а знаете дека би требало, склопите сами со себе договор тоа да го правите барем пет минути. После пет минути ќе заборавите дека сте си дале себе си рок и ќе завршите сè“, порачува Систром.
Сетете се колку пати сте чуле дека најдобар начин нешто да завршите е да почнете. И тоа е всушност најтешкиот дел. Мотивирањето себе си на почеток е најголема борба. Но, што ако си кажете на себе си да работите само пет минути? Тогаш е полесно да го преземете првиот чекор.
Фото: Pixabay
