Stealth Belt – ремен што штити од кражба

20

Стартапот Alpaka од Мелбурн, Австралија, креираше магнетен ремен којшто оневозможува кражба.

Со помош на повеќе скриени џебови, корисникот може вредните работи како пари, пасош, клучеви и слично безбедно да ги зачува на Stealth Belt.

Изгледа и функционира како обичен ремен така што крадците не би приметиле дека може нешто да се крие внатре. Се приспособува на големината на корисникот и е едноставен за употреба.

Отпорен е на вода и лесно се чисти, а благодарение на нерѓосувачкиот челик е отпорен и на прашина. Доаѓа со неколку екстра елементи како титаниумски мулти алат, џеб за мобилен телефон и пасош, магнетен држач за картички и држач за слушалки.

Ова е седма по ред кампања на стартапот на Indiegogo, а пред три години за прв пат лансираа производ на платформата за групно финансирање.

Првите испораки на ременот се закажани за ноември годинава.

Фото: Indiegogo