Stellantis овозможува возење електричен автомобил за 110 евра месечно

78

Како што знаеме, електричните автомобили се скапи. Ова е еден од главните проблеми на глобално ниво кога станува збор за нивното општо усвојување.

Донекаде тоа е точно, иако целата работа за електричните автомобили е доста сложена и тешко е се да се генерализира на тој начин. Меѓутоа, сега во Европа се воведува систем за полесен влез во електрично возило.

Имено, Stellantis, мултинационален конгломерат составен од FCA и PSA, е во процес на лансирање на програмата Electric As You Go, која всушност е услуга за долгорочно изнајмување на електрични возила. Се нудат два модели со нулта емисија од семејството Stellantis – Peugeot e208 и Opel Corsa, кои делат иста платформа, електричен погон и батериски пакет. Opel Mokka-e, електричен кросовер, е опционално достапен.

Што се однесува до цената, месечната претплата започнува од 110 евра. Има „ограничено“ почетно учество и надоместок по километар од околу 7 евроценти. Купувачите мора да се согласат и на минимална километража од 500 километри месечно.

Stellantis објаснува дека целта на неговата нова програма е да го забрза усвојувањето на електрични возила од луѓе кои сметаат дека електричните автомобили се прескапи за купување. Услугата за долгорочно изнајмување им нуди на потрошувачите можност да платат за специфичниот број километри што ги возат, благодарение на системот за дигитално поврзување помеѓу електричните возила на групата. Програмата е инспирирана од трендот pay-per-use, кој постои во различни сектори.

Услугата Electric As You Go е веќе достапна во Франција со Peugeot e208, Opel Corsa и Opel Mokka. Наскоро ќе биде лансиран и во другите европски земји со дополнителни возила со нулта емисија.