Легендарниот британски пејач и текстописец Стинг го продаде својот музички каталог на Universal Publishing Music Group, соопшти компанијата во четвртокот.
Договорот ги опфаќа сите соло песни на Стинг, како и оние кога тој беше со рок-бендот Police – вклучувајќи ги класиците Every Breath You Take, Roxanne, Shape Of My Heart, Message in a Bottle, Fields Of Gold, Desert Rose и Englishman in New York меѓу другите.
Universal Music Publishing Group (UMPG), не ги откри финансиските детали за договорот, кој ги обединува музичкото издаваштво и снимените песни на Стинг, додека извори запознаени со предметот изјавија за Ројтерс дека договорот е проценет на 300 милиони долари.
Police, чиј коосновач, фронтмен и басист беше Стинг, објави пет студиски албуми помеѓу 1978 и 1983 година. Стариот бенд на пејачот имаше низа хитови како Every Breath You Take, Roxanne и дуги.
Овој потег е најнова голема аквизиција на издавачката групација, откако склучи договор со Боб Дилан во 2020 година.
Исто така, доаѓа во време кога дискографските куќи и инвестициски фирми ги откупија правата на песни и снимки од бројни музичари како Дејвид Боуви, Флитвуд Мек и Тина Тарнер, како и Блонди, Тејлор Свифт, Дејвид Гета и Шакира.