Во текот на изминатите години, Албанија се појави како атрактивна дестинација за набавка на недвижнини од страна на интернационални купувачи, особено долж брегот, каде што цените сѐ уште се попристапни во споредба со други држави во регионот, како Хрватска или Црна Гора.
“Според податоците од Централна банка на Албанија, која ги пресметува овие текови како странски директни инвестиции во секторот за недвижности, во 2024 година, странците купиле имот во вредност од околу 380 милиони евра.”
Од 2021 година, кога започна интересот на странците, претежно кон албанското крајбрежје, до март 2025 година, интернационални купувачи имаат инвестирано околу 1,3 милијарди евра во недвижности, се наведува во анализата на весникот „Монитор“.
Учеството на инвестициите во недвижности во однос на вкупните инвестиции во земјата покажува значаен пораст. Во 2014 година, купувањето недвижнини од странци претставуваше само 5,7% од странските инвестиции, додека во 2024 година, овој процент се искачи на 24%.
“Рекордот е поставен во првиот квартал од оваа година, каде што купувањето станови од страна на странци учествуваше со речиси 29% од вкупниот тек на странски инвестиции во земјата.”
Вкупно, странските директни инвестиции во првиот квартал од годината изнесуваа 362 милиони евра, што претставува мало зголемување од 2,3% на годишно ниво, забележува „Монитор“. На второ место се финансиските и осигурителните дејности со 75 милиони евра, додека рударската индустрија привлекла 51 милион.
Останатите сектори, како што се производствената индустрија и енергетиката, забележаа пад, додека трговијата се зголеми за 28%.