Светската банка денес објави дека го назначи Дејвид Вајант за извршен и финансиски директор.
Вајант ќе биде задолжен за финансиско управување, благајничко работење и управување со ризици во рамките на билансот на состојба на Светската банка, како и за издавање обврзници, објавува Ројтерс.
Тој доаѓа во гореспоменатата финансиска институција по две децении поминати во француската банка БНП Париба, каде што имал неколку менаџерски позиции во областа на финансиите и стратегијата.