Тарифите за филмови ќе бидат дел од трговските разговори меѓу Велика Британија и Соединетите Американски Држави, откако американскиот претседател Доналд Трамп се закани дека ќе воведе 100-процентни тарифи за филмови снимени во странски земји, јавува Би-Би-Си.
Во неделата, Трамп изјави дека ќе воведе царини на филмови произведени во странство за да ѝ помогне на американската филмска индустрија, која, според него, „умира многу брзо“.
Британската влада соопшти дека трговските разговори со Вашингтон се во тек и дека зазема „смирен и стабилен пристап“ кон разговорите во обид да го намали притисокот врз британските компании.