Tesla минатата недела го претстави моделот Y со погон на задните тркала во САД по цена од само 43.990 долари, со наводно автономија од 420 километри. Со овој потег, Tesla ја крева на колена дури и конкуренцијата со конвенционалните мотори со внатрешно согорување.
Tesla лансираше нова верзија на Model Y во САД која е 3.750 долари поевтина од претходниот основен модел. Интересно е како дојде оваа нова понуда само неколку часа откако овој производител на електрични автомобили пријави „пад“ на бројот на испорачани автомобили во третиот квартал кој беше поголем од очекуваното. Поради ова, акциите на Tesla доживеаја благ пад на вредноста во вторникот.
Со нов почетен модел кој започнува од 43.990 долари, плус дополнителен попуст од 500 долари и 7.500 американски долари федерални попусти по купувањето, тоа значи дека купувачите ќе го добијат овој модел за конечна цена од само 35.990 долари. Ова го прави Model Y привлечен дури и за купувачите кои не размислувале за електрични модели бидејќи по таа цена е значително попристапен од многу модели од оваа големина со конвенционални мотори со внатрешно согорување.
Поевтиниот Model Y треба да ја подобри продажбата, но во исто време го најавува продолжувањето на притисокот врз продажните цени и маржите, што европските производители силно го почувствуваа на сите пазари во ЕУ ова лето.