Членовите на програмата на компанијата Windows Insider имаат можност да ја преземат тест верзијата на најновиот оперативниот систем Windows 10 за мобилни телефони, пишува порталот The Verge.
Најновата верзија во овој момент е достапна за сопствениците на Lumia 630, 635, 730 и 830. Постарите и понапредни уреди се очекува подоцна да бидат вклучени во програмата.
Од новините што ќе бидат достапни со најновата верзија може да се спомене позадинската слика на Start екранот, повеќе достапни наредби во Action центарот, можност за гласовно внесување на текст во било кое поле и напредни апликации за фотографирање.
