ТИРЗ ќе го презентира Стратешкиот зелен инвестициски фонд – се отвораат нови 15.000 места

21

Во Дирекцијата на ТИРЗ денеска ќе се одржи средба на министерот за финансии Фатмир Бесими и директорот на ТИРЗ Јован Деспотовски со новинарите на која ќе информираат за начинот на функционирање на новиот Стратешки зелен инвестициски фонд на ТИРЗ за поддршка на инвестиции, креиран во рамки на Планот за забрзан економски раст на Владата што го подготви Министерството за финансии.

Од ТИРЗ појаснуваат дека тој ќе биде наменет и за странските и за домашните инвеститори, а велат дека дел од придобивките од новиот инструмент ќе бидат 15.000 нови работни места, згoлемен извоз и поголем поврат на средства во буџетот.