Претседателот на Соединетите Американски Држави, Доналд Трамп, потпиша извршна наредба со која се наложува зголемување на влезниците во националните паркови на САД за странски туристи.
Според соопштението од Белата куќа, дополнителните приходи од повисоките такси за странските туристи ќе бидат насочени кон проекти за зачувување и итно одржување во националните паркови, објави Ројтерс.
Сепак, не е прецизирано кога ќе стапат во сила новите правила, колку ќе биде зголемувањето на цената, ниту колку паркови ќе бидат опфатени, со оглед на тоа што само околу 100 од вкупно 433 парковски единици наплаќаат влезници.